معقول احنا بنكره العلم ونخاف منه ونشمت فيه؟.!!.. يا شيخ قول كلام غير ده معقول واحنا حضارتنا الفرعونية مهد العلم، بالعكس ده زى ما انت شايف الموبايل فى ايدين كل الناس و الدش فى كل بيت واطفالنا ما شاء الله بيلعبوا على الكمبيوتر زى العفاريت، عايز ايه اكتر من كده حب للعلم!!. من المؤكد ان كثيراً من القراء بمجرد قراءة العنوان سيرفعون فى وجهى هذه الكلمات السابقة الساخرة من مبالغتى فى تشخيص حالة العداء العلمى التى باتت تسكن خلايانا وعقولنا وتسبح مع كرات دمنا الحمراء، وانا متوقع استنكاراً شديداً لوصفى لها بالظاهرة والتاكيد على انها مجرد حالة فردية لا تمثل تياراً، وان مصر بخير و قعلها بخيرو هيئة بحثها العلمى بخير، وجامعتها بخير وباحثيها بخير ... إلى اخر سياسة كله تمام يا فندم، وحزب كل شىء تحت السيطرة، وشعار بوس أيدك وش وضهر وده احنا فى نعمة... وأحسن من غيرنا... وليس فى الأمكان ابدع مما كان .. إلى اخر هذه المسكنات التى تخدر الألم ولا تعالج الورم